Friday 22 August 2008

Tsu di arbeter froyen

dovid edelshtat

arbeter froyen, leydende froyen!
froyen, vos shmakhtn in hoyz in fabrik
vos shteyt ir fun vaytn? vos helft ir nit boyen
dem templ fun frayhayt, fun mentshlekhn glik?

helft undz trogn dem baner dem roytn,
forvert|s, durkh shturem, durkh finstere nekht!
helft undz vorhayt un likht tsu farbreytn,
tsvishn umvisende, elende knekht!

helft undz di velt fun ir shmuts erheybn!
ales opfern, vos undz iz lib:
kemfn tsuzamen, vi mekhtike leybn
far frayhayt, far glaykhhayt, far undzer printsip!

nit eyn mol hobn shoyn nobele froyen,
gemakht tsitern henker un tron,
zey hobn getsaygt, az men ken zey fartroyen,
in biterstn shturem di heylike fon.

dermont zikh an eyere rusishe shvester,
dermordet far frayhayt fun tsar dem vampir,
farmatert biz toyt in di shteynerne nester
fargrobn in shney in dem vistn sibir.

gedenkt ir di nemen, di heylike nemen:
perovskaya, helfman, ginzburg un nokh
toyznter vos flegn zikh shemen
tsu trogn gehorzam dem shklafnyokh?

zey zaynen in shturem zo heldish geshtanen,
getrogn in finsternis hofenung un likht!
rakhe genumen fun vilde tiranen,
shtolts gekukt dem toyt in gezikht!

gedenkt ir zey? dokh zol zeyer lebn
bagaystern aykh! ir zolt mit derfolg
lernen un denken, kemfn un shtrebn
tsu frayhayt un glik far dem arbeter folk!